
去日本旅行,港人都喜歡選擇又平又靚的民宿,但要小心一個唔小心住咗兇宅。有網民發現,屋主將凶宅重新裝修改名,專門出租予外國遊客,當中更包括2017年神奈川「座間9人殺人事件」的凶宅,都咪話唔可怕。如果大家去門旅行,入住民宿時遇到以下4樣嘢,又真係令人疑神疑鬼,甚至想立即轉住宿地點。
1. 電器自動開關
明明所有人喺房,但廳部電視自己開咗,一陣又自己轉台。又或者冷氣開咗一陣,又自己熄,再開又熄,以上情況有可能係鬼魂向你展示佢喺度嘅方法。
2. 屋內有異味
傳聞亡靈身上會帶有生前嘅味道,如果係壞鬼,身上或有輕微腐屍臭味。相反,如果係好鬼,身上就有生前香水味或煙味。凶宅就最容易出現難聞嘅味道喇。
3. 陰風陣陣
有亡靈嘅地方,溫度會特別低,濕度亦會上升,有種陰陰濕濕嘅感覺。而哩種感覺係著足夠衣服都會感覺到,有人甚至會感覺有嘢吹耳仔添。
4. 奇怪聲響
你坐喺廳睇電視,但廚房就一直有碗碟敲擊聲?又或者隔一陣就有嘢莫名其妙掉落?有時候靈體行過,會有一陣風,難免會令周邊物件擺動。
當然都有可能係心理作用,為確保你所租訂的民宿並非凶宅,出發前可以先到日本「大島てる」網站查詢求安心。
相片來源:sacred-dwellings @ tumblr