小心!日本凶宅變民宿 民宿4樣嘢令疑神疑鬼

去日本旅行,港人都喜歡選擇又平又靚的民宿,但要小心一個唔小心住咗兇宅。有網民發現,屋主將凶宅重新裝修改名,專門出租予外國遊客,當中更包括2017年神奈川「座間9人殺人事件」的凶宅,都咪話唔可怕。如果大家去門旅行,入住民宿時遇到以下4樣嘢,又真係令人疑神疑鬼,甚至想立即轉住宿地點。

1. 電器自動開關

明明所有人喺房,但廳部電視自己開咗,一陣又自己轉台。又或者冷氣開咗一陣,又自己熄,再開又熄,以上情況有可能係鬼魂向你展示佢喺度嘅方法。

2. 屋內有異味

傳聞亡靈身上會帶有生前嘅味道,如果係壞鬼,身上或有輕微腐屍臭味。相反,如果係好鬼,身上就有生前香水味或煙味。凶宅就最容易出現難聞嘅味道喇。

3. 陰風陣陣

有亡靈嘅地方,溫度會特別低,濕度亦會上升,有種陰陰濕濕嘅感覺。而哩種感覺係著足夠衣服都會感覺到,有人甚至會感覺有嘢吹耳仔添。

4. 奇怪聲響

你坐喺廳睇電視,但廚房就一直有碗碟敲擊聲?又或者隔一陣就有嘢莫名其妙掉落?有時候靈體行過,會有一陣風,難免會令周邊物件擺動。

當然都有可能係心理作用,為確保你所租訂的民宿並非凶宅,出發前可以先到日本「大島てる」網站查詢求安心。

相片來源:sacred-dwellings @ tumblr

旅行時總會水土不服、無法便便?起床後飲呢5款飲品 即刻OK!

好多人話旅行攰過返工,坐飛機屈係一個狹窄嘅位置幾小時(長途機更加係十幾小時),落機後又要開行Turbo,早出晚歸玩過夠本,一個唔小心水土不服或打敗仗,就更加辛苦難挨。如果大家想旅行期間有氣有力,身體強壯嘅話,不如試試以下5款,不僅可以解渴,更能為身體補充營養素, 有些更可以係酒店自助早餐找到,非常方便。

檸檬水

大部份酒店嘅自助早餐都有提供嘅檸檬水,為身體提供大量嘅維他命C,每天一杯溫熱嘅檸檬水,可以增強免疫系統嘅功能,促進肝臟解毒能力。最佳比例係半個切片檸檬加入350至400毫升溫水。

椰子水

去泰國必飲嘅椰子水,除咗消暑之外,可為身體補充大量水分,可以能夠改善新陳代謝功能,亦可以有助於緩解脹氣問題,旅行食太飽有救了。

蔬菜汁

日本好多果汁店都有提供蔬菜汁,以綠葉蔬菜(如菠菜)、紅菜頭、紅蘿蔔等打成,一杯有齊充足嘅營養素及纖維,對於旅行無法便便的人士特別有用。

薑茶

如果晨早起身覺得有點噁心,又或手腳冰冷,就飲一杯薑茶,薑茶有助於舒緩腹部嘅不適感,係台灣嘅話,可以直接買包薑茶放進熱水沖泡即可。

橙汁

一杯現打又新鮮嘅橙汁能幫你補充維他命C,但唔好放太多冰,否則腸胃很容易受到刺激,進而影響消化。

相片來源:pakutaso

出遊注意 全球爆發流感 四個流感肆虐的地方

香港流感疫情肆虐,尤其宜家天氣時凍時熱,市民容易患上流感。有人選擇外遊避開疫情,但要小心,今年全球各地宜家都爆發流感疫情,近至台灣,遠至歐洲都有,各位出外都要小心身體,保持足夠睡眠及清潔。

1.法國

遠在歐洲的法國亦遇到流感肆虐,法國衛生部門二月七日表示流感高峰期或已經來臨,當時的發病率比上週上升接近一倍,當中北部地區情況尤其嚴重。當地每十萬人就有536人發病,超過一萬二千人因流感到醫院求診,當中1832人需要住院留醫。

2.瑞士

同在歐洲的瑞士流感疫情同樣嚴重,當地一月底已進入流感高峰期。單單上月第二週,每十萬人就有121發病,遠超每十萬人就有68人換上流感的發病率上限。65歲以上長者以及4歲以下兒童發病率更高至每十萬人有379及488人染病。當地部門呼籲高危人士接種疫苗。

3.日本

日本流感疫情更嚴重,全國幼稚園需停課。根據厚生勞動省統計,截至上月底,日本全國染病人數突破222萬,較上一星期增加近十萬人。單單1月21至27日,每間醫療機構就接收57名流感病患,全國47縣市出現流感疫情,除幼稚園外,全國多間中小學停課。

4.台灣

台北市立聯合醫院爆發流感,醫護人員紛紛染病,當中2人不治。根據台灣疾病管制署數字,自上年10月至今,已有349人出現嚴重流感併發症,為近五年最高,其中27人死亡。上月底流感求診數字突破十萬大關,是近5年第二高。當局建議民眾出外盡量避免觸碰扶手,因為流感病毒在沾上後可以存活一個到一個半小時。

相片來源:pakutaso

三華客旅遊影相泰國被捕 五個自拍婚照注意事項

襯旅行影輯靚相就好多人都會,但要小心影相影出禍!上月泰國移民局拘捕三名中國旅客,原因佢地喺手握旅遊簽證,但喺當地進行旅行拍攝。泰國警方指三人拍攝過程存在商業行為,但三人手持旅遊簽證,在當地並沒有工作資格,所以直接將他們逮捕。警方三人現正面臨高額罰款及監禁刑罰。其實旅行拍攝喺世界各地都有機會觸犯當地法例。所以如果你即將準備到外地拍攝,可能要留意以下幾點。

1.預先確認當地法律

為免重複發生以上時間,準備出發的情侶應該預先確認拍攝過程及地點唔會犯法,並預先向當地部門申請拍攝許可。

2.儘早出發

大部分旅遊景點喺中午前後最多人,想確保張婚紗相構圖完美,最好就早啲出發避開人潮。

3.預先計劃拍攝流程

由化妝、造型、拍攝,最好就連姿勢都諗埋。預先計劃整個流程,就唔怕去到景點亂七八糟,咁就可以爭取最多時間影相。

4.避開仲夏嚴寒

試想想如果係炎炎夏日,新娘著婚紗可能涼爽啲,但新郎你著成套禮服或者西裝真係好熱,而且要新娘子化好妝曬住都唔好。如果冬天落雪,相信新郎新娘都一樣凍都震,揀返溫度宜人春天秋天可能比較好喇。

5.最好自駕遊

帶住禮服婚紗,仲有各種化妝用品、攝影器材,當然就自己租車最好啦,怕攰的話都可請個司機。記得帶埋啲小道具,以便到時候想用但係無。

相片來源:Pixabay

顏值決定一切?最令韓國店員有好感嘅5個「好客人」行為

寫「西客」就寫得多,今日不如講下好客人!香港人成日去韓國,唔知你哋又知唔知做啲咩會令店員有好感呢?

早前韓國網站Insight就有一個關於便利店員工票選嘅《最受歡迎顧客類型》調查,去韓國旅行想做個好遊客,不妨留意以下5個行為及條件,避免做咗韓國人眼中嘅西客。

1.唔駛找錢

錢畀得啱啱好唔駛找,店員最開心,慳返交易時間可以更快為下位客人服務,效率大增,不過韓圜面額咁大,香港人都要用啲時間先可以記熟喇。

2.吃杯麵唔會滴落檯

附設座位區嘅便利店越來越多,好多客人鍾意買杯麵食,如果滴到通檯都係湯汁,店員就要額外用多好多時間做清潔。

3.有禮貌

雖然你係客人,但唔代表你大哂,禮貌係做人基本!會打招呼、主動講唔該嘅人客最令店員尊敬,講到尾,互相尊重最重要。

4.親手將錢交畀店員

同第3點一樣都關「尊重」事,好多人畀錢時會直接將錢或信用卡掉喺檯面,要店員慢慢執,其實將錢一手交一手都係舉手之勞嘅行為,令店員舒服,交易過程亦更有效率,何樂而不為呢?

5.顏值高

最後呢點係店員私心吧,遇到靚仔靚女固然醒神,分分鐘服務態度都好啲!雖然顏值高可以令店員工作態度良好,但如果出現西客行為,點靚都係冇用的!

圖片來源:《Medical Top Team》劇照

給被遺棄動物一個家! 日本兩間專收養流浪動物嘅愛心動物園

被稱為全日本最冷清嘅動物園 – 東築波烏托邦,因為地理位置太偏僻、園內設施日久失修等原因,全年竟然得10位客人幫襯,每年約500萬日元虧損!好彩舊年有電視台幫動物園搞眾籌活動,籌得約5千萬円重建!

由於園內所有動物都係收養返嚟,一旦結業,動物們就要流離失所,難怪園長一直死頂撐住,佢仲話可唔可以翻身,就睇今年業績!適逢今年豬年(日本叫野豬年),日本人所講嘅豬唔係平時我哋見開嘅粉紅色,而係指啡色野豬。動物園為賀新年,特地訓練啱啱收養返嚟嘅小野豬豆豆做表演,希望可以轉運,逃過執笠命運。園內正興建野豬牧場,預計3月上旬開幕,希望豆豆順利完成訓練,為動物園帶來可觀收入!

收養流浪動物嘅動物園喺日本唔只得一間,位於日本三重縣嘅大內山動物園,園長一樣咁偉大。早前日本節目《超可愛影像連發》到訪動物園,發現位置頗偏僻,由最近嘅JR站落車後要行30分鐘先到。不過園內動物種類唔少,有114種動物,共724隻。

園長於節目中表示,呢間動物園係日本少有嘅私人動物園,一直處於赤字狀態,靠住以往任職建築公司社長時儲下嘅積蓄先可以繼續營運,雖然已經68歲,但仍每日樂此不疲親身照顧動物們。出錢又出力,園長都冇諗過閉園,全因唔想幾百條小生命失去依靠,呢個世界真係有好多好錫動物嘅大好人呀,大家去日本不妨去參觀一下,幫動物園轉虧為盈!

圖片來源: [email protected]_6656

細數劣質KOL三大惡性 搲免費住宿、偷圖扮去過

隨著社交平台普及化,任何人可以在網上以各種方式分享生活趣事,素人搖身一變就成為KOL(Key Opinion Leader)。KOL只需在社交平台上載一張相片,就可以引來無數網民讚好留言,影響力甚廣。但當中亦有一些KOL濫用自己的名聲作出惡行,單單係一個旅行都可以有以下的3種惡行。

搲著數

不少品牌會主動聯絡KOL提出合作方案,希望對方可以幫忙宣傳其活動或產品,亦有KOL會主動聯絡商家。馬爾代夫五星級酒店Dusit Thani市場策劃經理凱特(Kate Jones)每日收到大約六份自稱KOL的邀約,希望以照片或帖文換取免費住宿。她指出曾經有一個只有兩千粉絲自稱KOL的人提出以兩個帖文換取十日住宿,亦有Facebook朋友只有六百人的KOL向其提出免費7天住宿。事實上,酒店本身有一份KOL合作名單,凱特指出真正的KOL邀約時有禮貌,更會附上「CV」包括粉絲人數、讚好數量等等作參考。

偷圖

社交網站的KOL生活模式令人羨慕,每天到高級餐廳享用佳餚,閒時到歐洲旅遊。現實中,不是每個KOL都有足夠資源享受生活,所以亦有人選擇偷圖。香港KOL兼模特兒Sadelle上年就被發現從網上盜取他人照片當成自己拍攝的作品分享。她初時更不理網民評論,將有關照片及言論刪除,後來愈來愈激烈,甚至外國媒體都有報導。Sadelle最後發文道歉,承諾永不再犯。

不尊重當地文化

有KOL真以為自己是明星或者重要人物, 罔顧當地文化規則,甚至為賺取更多讚好及留言,作出一系列誇張行為。上年一名有為25萬名追隨者的澳洲模特兒紐紗(Newsha Syeh)被拒絕進入法國羅浮宮。紐紗隨即將經歷上載至社交平台向粉絲投訴,但不少網民反指紐紗穿著暴露,更指其穿著與性工作者相似。羅浮宮列明袒胸赤腳者一律不准進入。所以即使紐紗在社交平台頗有名氣,亦一樣要守規。

相片來源:hardcandycate @ tumblr

全球暖化效應 3個出現冰川融化的地方

工業革命後,產生大量溫室氣體,加上地球人口激增,全球氣溫上升出現全球暖化。各地冰川、冰層融化,造成海平面上升。海平面輕微上升,已經可以造成海水倒灌及低窪地區洪水氾濫。各地科學家擔心,冰層融化會帶來災難性的影響。好似以下呢3個地方因全球暖化已出現了冰層融化的問題,大家旅行的同時,不要忽視呢類環境問題。

1. 格陵蘭島

格陵蘭島冰層融化速度較十年前快四倍,2003年一年融化111立方公里冰層,2013年已經急增至428立方公里。2018年年中位於格陵蘭島北部「北極最後冰層」第二度出現裂痕,科學家們對此相當緊張。而當大部分人關注格陵蘭島的東南和西北冰川,其實科學家指出西南部幾乎所有大型冰川已經消失。

2. 北極

北極過去五年錄到自1990年有紀錄以來第二高溫,當中最龐大古老的冰層亦在過去三十年面積只剩下百分之五。上年2018年的冰層為12年來最小最薄。1979年北極海有達15萬億噸浮冰,40年後只剩下4.7萬億噸。專家擔心冰川冰層融化不但導致全球海平面上升,更會增加有毒海藻數量種類,以及釋出古老病毒,帶來嚴重生態問題。

3. 南極

南極洲冰層融化問題嚴重,40年以來冰層融化速度激增5倍。上世紀1979年至1990年,南極洲每年平均有400億噸冰塊消失。到2009年至2017年,每年就有2520億噸冰塊溶化。38年間,單單南極洲冰層融化已經導致全球海平面上升1.4厘米。有科學家估計,至2100年,南極洲溶冰問題會導致全球海平面上升米,屆時全球各地沿海城市將會被淹沒。

相片來源:archae-heart @ tumblr

豬年12生肖有利方位及出遊聖地推介 蛇、馬、羊、猴、雞、狗篇

image

轉眼又到豬年,各位又睇咗下一年的運程未?知唔知到咩方位有利自己,咩方位應該避免前往?不妨留意一下生肖小貼士計劃新一年的旅程,去旅行行大運!今次就講下蛇、馬、羊、猴、雞、狗的有利方位及出遊聖地推介。

image

有利方位:東、南、北

建議避開:西、西南、西北

蛇今年犯沖太歲,比起屬豬的朋友,大起大跌問題更為嚴重。身邊容易出現小人,僅記事事小心。但有驛馬星,經常有外遊機會,有機會可到北位中國上海旅遊,避開小人,同時要注意健康運一般,容易有腳部傷患。

image

有利方位:北、西北、南

建議避開:西、西南

生肖馬者今年為暗合年,有貴人會暗中相助,不論財運事業運都有良好發展,可以主動爭取升遷機會。旅行的話可以到星加坡旅行,放鬆心情享受旅程,無需太擔心事業及財運。

image

有利方位:南、北

建議避開:西、西南、東

羊仔羊女今年同樣易有遠方貴人相助,但不可過分依賴。今年亦為財運之年,尤其對從商、自僱人士有幫助。不過今年亦容易發生意外,可以到馬來西亞古晉旅遊避開,相信羊仔羊女會鐘意當地獨有的風土民情。

image

有利方位:南、北

建議避開:南、北與外方位

屬猴人士今年害太歲,家庭、健康會出現大小問題。人事關係緊張,適宜低調處事。不妨到汶萊散心與家人維繫感情,探索東南亞富裕石油小國不一樣的一面。

image

有利方位:東北、南、北

建議避開:西

屬雞的朋友今年並無大起大跌,不論桃花,財運,事業運都一般,適宜裝備自己。多往外走動可有利運程,例如到印尼旅遊海島峇里島度假,親自動手做印尼菜以及駕駛越野車玩轉叢林。

image

有利方位:南、西北、北

建議避開:西、西南、東

狗今年為天喜桃花年,桃花運特別旺盛,財運亦在十二生肖中排行第二,大機會有喜事。有喜事當然要去旅行慶祝下,襯三月、九月、十月極光最佳觀賞期到挪威首都奧斯陸旅遊,再深入北極圈欣賞極光,繼續催旺運程。

相片來源:

1.breathtakingdestinations @ tumblr shanghai

2. breathtakingdestinations @ tumblr singapore

3.acai-lagoon @ tumblr kuching

4.breathtakingdestinations @ tumblr brunei

5.alastrips @ tumblr bali

6.breathtakingdestinations @ tumblr oslo

豬年十二生肖有利方位及出遊聖地推介 豬、鼠、牛、虎、兔、龍篇

image

下星期就到農曆新年,新一年當然要出外旅遊,務求新一年事事順利。但新一年各個生肖又有屬於自己的開運方位,未決定好去邊度嘅你不妨參考一下自己生肖,選擇旅遊目的地,等新一年有一個好開始。

image

有利方位:南、西北、北

建議避開:西、西南

屬豬的朋友今年犯太歲,適宜多走動,趨吉避凶。可以到位於中國以上的俄羅斯旅遊,認識戰鬥民族的文化歷史。要注意犯太歲之年容易有損傷,出外要多加留意,農曆四月或十月可以捐血洗牙化解。

image

有利方位:南、北

建議避開:西、西南

生肖鼠的朋友今年為咸池桃花年,較大機會與相識已久的朋友拍拖,而且工作量大。今年出外旅遊可以考慮與朋友到澳洲遊玩,去黃金海岸度假,舒緩壓力。

image

有利方位:東南、南

建議避開:西、西南

屬牛之人今年為太歲遙合年,有遠方貴人相助。到航程一個半鐘的台灣花蓮旅遊是一個不錯的選擇,但要注意飲食,小心夜市小食,避免過量進食或食用不乾淨食物。

image

有利方位:東、南、北

建議避開:西、西南

肖虎者今年破太歲,工作較難有突破,尤其是從事創作行業人士。所以得閒可以請假去沖繩旅行散心,話唔定玩玩下就靈感到!但要小心今年容易唔見嘢,出外旅遊要多加留意。

image

有利方位:東、北

建議避開:南、西南、南

兔仔今年運程頗旺,人緣絕不比上年差,容易有貴人相助,財運亦有所增加,所以心情特別愉快。不妨考慮去日本名古屋賞櫻增強工作運,順便食好嘢,買手信!

image

有利方位:東、東南、北

建議避開:西

屬龍的朋友如果係單身,今年正正係脫單好時機,容易結識興趣相投的異性,財運亦節節上升。今年可以到遠少少的美國關島旅行,享受陽光與海灘,增加自身結識異性的機會,話唔定去玩旅行就有另一半喇!

相片來源:

1.i-traveltheworld @ tumblr rus

2. breathtakingdestinations @ tumblr sydney

3.asjourneyed @ tumblr hualien

4.okinawa-photo @ tumblr

5.travelingcolors @ tumblr nagoya 名古屋

6.breathtakingdestinations @ tumblr 美國關島