容祖兒出門必帶吸塵機、放濕機   細數四件最奇怪的外遊物品

容祖兒(Joey)最近去完美國飲宴返黎就係IG分享自己去旅行時必帶的刁鑽行李,實行寧濫勿缺,最緊要帶齊。Joey直頭連迷你吸塵機、放濕機、香薰蠟燭、露營煮食爐等都帶埋出國,真係半個屋企都帶左出去。結果帶太多行李關係,比海關要查行李箱,仲要一個人拖兩三件行李,非常狼狽。你地身邊又有無類似Joey的朋友?佢地又會帶D咩奇怪野去旅行?

1.兒時用被

呢個犀利啊,有一次見到有朋友去到酒店打開行李,拎左張被出黎,嚇死。朋友就話係自己由細用到大的被,有陣BB味好香,唔帶黎會訓唔到。好啦,不過就因為張被搞到行李箱無曬位,最後要買多個行李箱裝戰利品返香港,一個人拖兩個行李箱,好狼狽。

2.染髮劑

有朋友帶染髮劑去旅行,兼且夜晚返到酒店要旅伴幫手染頭髮,原因係話係酒店染髮就唔怕整污糟屋企,Oh my god!不過就算係,都唔洗係香港帶去姐,去到當地買咪得。但朋友就話唔知去到當地有無用開的牌子,好啦,你又有D道理。

3.私人餐具

身邊總有一個嫌全世界都唔夠自己乾淨的朋友,怕餐廳洗碗唔乾淨,怕酒店餐具比人用過,於是帶齊私家餐具去,有D連飲管都帶埋,話保障衛生安全又環保。

4.大公仔

呢個同帶張被出去有D類似,但個重點係朋友唔會帶細公仔,只會帶大公仔,最後唔夠位就塞去人地個行李箱到!話夜晚要攬住黎訓覺。

容祖兒出門必帶吸塵機、放濕機   細數四件最奇怪的外遊物品

容祖兒(Joey)最近去完美國飲宴返黎就係IG分享自己去旅行時必帶的刁鑽行李,實行寧濫勿缺,最緊要帶齊。Joey直頭連迷你吸塵機、放濕機、香薰蠟燭、露營煮食爐等都帶埋出國,真係半個屋企都帶左出去。結果帶太多行李關係,比海關要查行李箱,仲要一個人拖兩三件行李,非常狼狽。你地身邊又有無類似Joey的朋友?佢地又會帶D咩奇怪野去旅行?

1.兒時用被

呢個犀利啊,有一次見到有朋友去到酒店打開行李,拎左張被出黎,嚇死。朋友就話係自己由細用到大的被,有陣BB味好香,唔帶黎會訓唔到。好啦,不過就因為張被搞到行李箱無曬位,最後要買多個行李箱裝戰利品返香港,一個人拖兩個行李箱,好狼狽。

2.染髮劑

有朋友帶染髮劑去旅行,兼且夜晚返到酒店要旅伴幫手染頭髮,原因係話係酒店染髮就唔怕整污糟屋企,Oh my god!不過就算係,都唔洗係香港帶去姐,去到當地買咪得。但朋友就話唔知去到當地有無用開的牌子,好啦,你又有D道理。

3.私人餐具

身邊總有一個嫌全世界都唔夠自己乾淨的朋友,怕餐廳洗碗唔乾淨,怕酒店餐具比人用過,於是帶齊私家餐具去,有D連飲管都帶埋,話保障衛生安全又環保。

4.大公仔

呢個同帶張被出去有D類似,但個重點係朋友唔會帶細公仔,只會帶大公仔,最後唔夠位就塞去人地個行李箱到!話夜晚要攬住黎訓覺。

飛機迫降原來因為鄰座體味? 4單因太臭令飛機迫降事件

夏日炎炎,係咁出汗,臭就一定架啦,不過係睇下臭到咩程度,人地又聞唔聞到。最近荷蘭泛航一班由荷蘭飛往西班牙嘅客機,突然在飛行途中緊急降落,原因係「醫療原因」。原來係有名男乘客傳出嚴重體臭,令機上眾人又嘔又暈。機組人員嘗試帶佢他去廁所隔離,但依然無法子解決臭味問題,更搞到空服人員餐都派唔到,完全處理唔到投曬降,最終讓客機急降後由救護車接走該男乘客。而班飛機就比原定遲左三小時先到達目的地。

航空界一向都有唔少離奇事件,好似以下呢3單因太臭而令飛機迫住降落,大家又有無印象呢?

1.放太多屁的老伯伯

泛航航空 (Transavia) 一班從杜拜飛往阿姆斯特丹的航機,被迫中途降落,原來係因為有個老人家係飛機上不停放屁。結果2名荷蘭男子向機組人員投訴,結果就嘈交,無人勸得掂,搞到要中途降落,然後就報警處理。最後有份嘈交個乘客都被列入航空公司黑名單。

2.乘客大便太臭

英國航空一班由英國倫敦飛杜拜嘅航班,原本就預計飛7小時就可以到達目的地。點知飛機起飛半小時之後,有個乘客肚痾,於是洗手間就開始傳來陣陣濃烈嘅大便臭味!機組人員認為無能為力,於是機長就宣布基於「健康」、「安全考量」,決定折返倫敦。乘客要等足足15小時先有另一班機去杜拜。

3. 爆馬桶,機長都頂唔順

印度廉航Spice Jet一班客機起飛左唔到1個鐘,個洗手間就發生故障,係咪有人用到壞左就唔知,不過個馬桶壞到d污糟水流曬出黎,而臭味蔓延到駕駛艙,機師都頂唔順,決定迫降,維修好先再飛。

相片來源:vbeserk  @tumblr

新加坡恢復直飛紐約航班 近19小時飛行點過好?

新加坡航空宣佈,今年10月將恢復由新加坡飛往紐約的直航航線,全程需時長達18小時45分鐘,將成為全球最長途的航線。其實呢條航線唔係第一次推出架啦,曾經新加坡航空就試過採用空中巴士A340-500客機飛呢條航線,差不多19小時嘅飛行,真係可以稱之為空中馬拉松。新航初步計劃每星期提供三班航班,逢周一、周四及周六由新加坡樟宜機場出發,並由10月18日起每天提供航班服務。

講時講,坐飛機又唔可以用電腦上網打機,到底大家坐長途機會做d咩打發時間呢?

1.睇書/畫畫

文青就一定會睇書啦,將平時買買埋埋,又唔得閒睇嘅數帶上飛機睇。18小時45分鐘,到底可以睇到幾多本書?或者可唔可以睇完一本書?定係不如畫下畫,唔少喜歡畫畫嘅人都會帶本小畫冊去旅行畫下畫,留住美麗的名勝風景,不如就由飛機到開始啦。

2.做文件/功課

好多人都係忙裏偷閒攝時間去旅行,甚至打算帶埋工作去做,以爭取多一兩日嘅時間,早d出發。需要帶工作去旅行唔係最好嘅做法,不過為了出走,有咩所謂啊!一於就係長途機上面做曬d野去,既可以打發時間,又可以儘早完成工作,無憂無慮去玩。

3.無限睇戲

如果你鍾意睇戲就岩曬啦,一套戲起碼兩小時,18個鐘可以睇到幾多套?答案就係9套啦。都夠你填補返一年入面因為忙碌個工作而睇唔到嘅戲啦,再講,平時入場戲飛都要差唔多100蚊一張,依家機票包埋你睇10套戲啊,係咪即刻覺得抵翻曬呢。

4.長期睡眠狀態

一於少理,訓飽佢。落機馬上精神滿滿到處去玩!希望你身邊唔會有太多小朋友或者精力過剩的旅伴騷擾你啦。

相片來源:skate-sins @Tumblr

行李老馮俾人掟   4招保你貴重紀念品安全返歸

美國夏威夷檀香山機場就有名地勤被乘客拍到「怒擲」行李的片段,片段入面佢搬運乘客寄艙行李時,大大力咁將行李丟落輸送帶,大力到一d行李箱直頭掟到彈起左。不過地勤會掟行李都係公開嘅秘密,不如諗下計仔點樣可以保住行李入面嘅物品,確保唔好被丟爛,安全拎到返屋企好過啦。

1.用衣服包住易碎物

去旅行少不免買返有代表性嘅紀念衣物,不妨將你行李箱入面嘅所有衣物包住所有易碎品,務求達到防撞個保護作用。其實另一選擇就係係去機場之前,購買防撞的泡泡紙,包好易碎的物品,再放係行李箱入面,就萬無一失啦。

2. 塞滿喼

如果有空位係行李箱入面,姐係話你嘅物品好大機會係入面滾來滾去,加上地勤丟行李嘅力度,相信裡面嘅野都碎硬。所以不如試下打爆個行李箱,把東西全部塞入去,一條空隙都唔好留,咁物品就無機會因走位而爛曬啦。

3.使用行李箱安全帶

大家一直都以為綁行李條帶係用黎記認自己嘅行李箱呢,非也。其實行李安全帶係有一個好好嘅作用的,就係預防行李爆開,都有條帶幫助,唔會爆曬d野出黎。好好善用呢條帶啊。

4. 用厚身襟撞的喼

打邊爐最緊要係嘅爐,去旅行最緊要當然係個喼啦。唔好貪平,買硬身、夠厚、又襟撞的喼,咁就任丟唔怕啦。

相片來源:網上圖片

世界六大天空之鏡    把握潮退日落時分前往

近年來多咗好多人講天空之鏡,最出名就當然係位於玻利維亞嘅烏尤尼鹽湖啦,海天一色真係靚到不可方物。大家都非常熱衷去朝聖打卡,更希望可以同另一半係天空之鏡到影張靚相紀念。想影天空之鏡要留意三大要素你又知唔知?其實分別就係:

1.抓緊退潮同日落時分

2.利用沙灘上較大個瀉湖拍攝倒影

3.一定要係風平浪靜個時候前往

今次就同大家發覺做亞洲6大相似嘅天空之鏡,等大家可以飛短d時間,舒舒服服就搵到天空之鏡影相。

馬來西亞沙沙蘭

位於瓜拉雪蘭莪的沙沙蘭漁村的外海,有個鮮為人知嘅淺灘叫Sasaran Beach,在每月農曆初一及十五,海水大退潮時,淺沙灘會從海中央浮現,在陽光的照耀下,就會見到藍天白雲嘅倒影,每次得短短三個鐘嘅時間先見到架咋,呢度每三年就會搞一次沙沙蘭藝術節,大家可以趁機會前往,盡享係沙沙蘭度過時光。

相片來源:Tourism Malaysia

日本烏取砂丘

如果你鍾意踩單車嘅話,鳥取砂丘嘅天空之鏡就岩曬你啦。因為呢度有單車俾你踩啊!鳥取砂丘提供「胖胎車」(約5000YEN),為咗適應沙地嘅性質,同埋增加抓地力,所以呢度嘅單車都有比較粗嘅輪胎。大家踩著單車遊砂丘海岸,一定可以影到張充滿活力嘅天空之鏡靚相啊。

約埋三五知己一齊影返張活力四射的照片,收藏回憶。

相片來源:三豐市觀光交流局

日本香川父母濱海岸

呢個最近爆紅的父母濱海岸,位於日本三豐市。呢度有長達一公里嘅海岸線,每逢退潮時就會出現天空之鏡嘅景象。就算係滿潮嘅時候,夕陽下嘅景色一樣迷人啊!呢度嘅人為咗維護呢個美景,每月第一個星期都會有志工來進行淨灘活動,所以大家前往嘅時候都要好好愛護環境,唔好留底垃圾喔。

三豐市父母濱海岸

相片來源:三豐市觀光交流局

中國茶卡鹽湖

天空之鏡唔係的外國先有,最近嘅中國就有啦。茶卡鹽湖位於中國青海省海西蒙古族藏族自治州類面,海拔3100米,是非常之大嘅天然鹽湖,被國家地理雜誌評為「人一生必去的55個地方」。每年六至十月份係最適合前往茶卡鹽湖嘅季節,周邊有一層層嘅鹽堆,倒映係湖面上面,遠睇就好似係動人白雪紛紛嘅景象一樣。成個畫面既平靜、又壯觀,絕對會令你有不枉此生嘅感覺。

相片來源:青海省人民政府網站

台中高美濕地

該美濕地有豐富嘅天然資源、生態保護區,同埋壯觀嘅風車陣。呢度被政府列為自然生態保育區,建議大家跟隨專業嘅生態導覽團,記得注意腳下嘅自然小生物,唔好破壞當地嘅生態同景觀啊。

高美濕地嘅前身為高美海水浴場

相片來源:台中觀光旅遊網

玻利維亞烏尤尼鹽湖

最出名嘅天空之鏡原地-玻利維亞烏尤尼鹽湖(Salar de Uyuni),海拔3656公尺,係世界上最大的天然鹽湖。每年12月~3月左右是當地的雨季,亦都係最有機會見到「天空之鏡」嘅季節。因為每次大雨過後,鹽田會變成一個淺湖,如果撞正晴天無風的日子,就可以看到「天光雲影」倒映在湖面上的夢幻畫面,正啊。

玻利維亞真係上天鍾愛地方,真係好美麗。

相片來源:[email protected] Tumblr

相關文章:

出發玻利維亞天空之鏡旅行 特區護照可落地簽證30日

【日本版天空之鏡】四國父母濱 大熱日落打卡絕景

世界6大天空之鏡:馬來西亞沙沙蘭。美哭人的天空

香港熱到癲   旅行再遇酷熱天氣點算好

唔係講笑,香港先係落足9日雨,繼而再熱足個幾星期,真係攞你命三千,日日都全身濕曬咁返屋企,希望戶外工作嘅市民都平平安安唔好暈低啦。相信好多人都會想去外地旅行避暑,但如果旅行果陣都係咁熱嘅天氣就真係喊出黎,點算好?

1.補充大量水分

一定要飲多d水,但唔好飲太多含咖啡因的飲品,例如咖啡、茶或酒精飲品。因為會導致心悸,或者頻返排便問題。酷熱天氣下已經需要好多水分,仲飲呢d排出咁多水分嘅飲品咩。而且熱天好容易中暑,若再有心悸嘅情況出現,都真係唔多好。

2.自駕游

熱天仲行咁多路消耗體力?出汗好辛苦。識揸車嘅你一於租返部車,減少消耗體力,舒舒服服去不同景點啦。不過記得留意不同國家的國際車牌限制啊。

3.充足夏日裝備

熱辣辣,除左飲消暑解渴嘅飲品之外,記得帶埋風扇仔、清涼噴霧、防曬用品之類的東西。而且更加要穿着淺色寬鬆衣物、減少吸熱,方便排汗同埋散熱。

4.室內行程為主

有時天氣太熱仲全日去戶外地方出汗,真係會熱到發脾氣。不如考慮下去室內地方為主,例如:商場購物、博物館、美術館咁。又有冷氣,又有得shopping,仲可以了解下人地文化藝術。正啊!

相片來源:[email protected]

相關文章:

東京晴空塔新玩法 天氣差一樣有靚景

好精緻嘅下午茶!推介4大必試下午茶high-tea

旅行時都要小心講野 女友必嬲的4大金句

阿嬌美國出嫁  祖兒最終搞到美國簽證成行 美國簽證攻略你要知

阿嬌係美國LA辦婚禮,容祖兒就話因為美國簽證過期,差d去唔到出席婚禮,非常唔開心。點知祖兒點都唔放棄,真係諗盡計仔,終於搞得掂簽證問題,卒之開開心心去到美國見阿嬌啦!!

原來係祖兒日日去領事館,千求萬求人哋俾個證佢,最終趕得切。不過唔係次次咁好彩嫁,大家申請美國簽證真係要做足準備功夫,預留時間阿,因為除左填表之外,仲要親身去領事館進行會談嫁。

以下係申請美國簽證六部曲,記得睇清楚啦。

1.確定簽證類別

美國常見的非移民簽證分別有商務、旅客簽證、工作簽證、學生簽證、家傭簽證、新聞工作者及傳媒簽證等等,每種簽證類別都有唔同手續同需要嘅文件。

2.填寫表格

到美國國務院的網站跟指示填寫一份叫「 DS-160」嘅 表格,一旦提交表格,就不能再作任何改動,所以要填得清楚正確。

3.支付簽證費

一旦你確定了申請簽證類別,又填好左表格後就要比錢啦。簽證費頁面分別列出了以美元和當地貨幣為單位的不同類型簽證所需的相關費用。你需在預約系統整返個個人賬戶,並確認將你用於預約簽證面談的收據編號保留好。

4.預約面談時間

你需要用於繳付簽證費嘅相關文件憑證去登入你嘅個人檔案。一經進入系統,你便會看見控制版面,咁就可以預約時間啦。

5.帶齊文件去領事館

大家要根據預約左嘅時間去美國駐港澳總領事館會面,並且要帶齊:預約信件的列本、DS-160表格確認書、過去六個月拍攝的近照、目前或所有舊護照、現時的收入證明、稅單、物業或商業擁有權或資產證明文件、你的旅遊計畫說明或者相關文件(例如機票、酒店單據)、在任何地方曾因任何原因被拘捕或定罪的犯罪/法庭紀錄。

6.領取簽證

當你嘅簽證獲批,S.F快遞服務就會寄返護照和簽證,這些相關文件將會被寄送至申請人在登記時所提供的住址或是領件地址,但不包括澳門、大嶼山、赤鱲角、 馬灣以外的香港離島、軍事及法律部門地址。

相片來源:鄭希兒Instagram

蟲蟲襲擊泰姬陵 世界五大即將消失景點

路透社最近發出消息指,由白色大理石打造嘅印度著名景點泰姬陵(Taj Mahal)正轉變緊,變成黃色同綠色。點解會咁?佢地就話除咗受到空氣污染影響之外,更加係因為受昆蟲「襲擊」。

建於十七世紀嘅泰姬陵,座落印度北部城鎮阿格拉(Agra),但呢個地方是全球最受污染城市的第八位。主要都係因為汽車噴出大量廢氣,工廠煙囪亦不斷冒出濃煙,灰塵和霧永遠都係空氣中出現。

除了空氣污染,來自乾涸亞穆納河(Yamuna River)的昆蟲,牠們把排洩物沾到泰姬陵的大理石上,成為泰姬陵「變色」的另一原因,日久之後令白色不再。當然印度已經開始著手要令泰姬陵回覆原本面貌。只係,原來世界上仲有好多景點都快將因為不同嘅原因而消失。

咁美麗嘅泰姬陵,真係好難想像因為昆蟲糞便而變成黃黃綠綠

相片來源:different-landscapes

意大利 威尼斯

地球暖化,亞得里亞海的嘅水位持續升高,威尼斯正陷入陸沈危機。專家估計,2050年之前海平面會上升約1公尺,到時威尼斯亦將滅頂。意大利政府計畫在威尼斯沿岸建造2公尺的防潮堤,以防止海水倒灌。水上城市,家家戶戶都用船代步,獨特的水城風光,將完全走入歷史。

美麗的水上城市威尼斯要陸沉,相信誰也捨不得

相片來源:[email protected]

瑞士冰河景觀

又係地球暖化啊,景觀聞名世界的瑞士,過去20年來,因為地球氣溫愈來愈熱,瑞士冰河開始蒸發,面積亦都少咗15%,過百條冰河開始溶化而崩塌,每年消退3~5公尺,長度愈來愈短。預料本世紀之內可能全部消失。瑞士觀光局趁冰河溶化前,索性把冰河排入建議旅遊行程中,帶遊客睇下溶化緊嘅冰河,用軟性的包裝呼籲遊客關注地球暖化問題。

雖然融化中嘅雪山冰河都好淒美,但保護地球生態先係最重要。

相片來源:[email protected]

澳洲大堡礁

大堡礁擁有世界最大型活體珊瑚群,是聞名全球嘅潛水首選之地,地球愈來愈溫暖,會導致珊瑚白化,進而崩解珊瑚礁嘅結構。研究顯示,如果海洋溫度再繼續升高的話,大堡礁大部分的珊瑚礁將在 2050年前死亡,到時候大堡礁將是沒魚、沒蝦、沒生機的空蕩蕩,只剩下一堆死白珊瑚遺骸。如果你仲未趕得切去欣賞的話,以後可能只能看動畫、紀錄片來回味大堡礁嘅美麗啦。

七彩繽紛嘅珊瑚要變成死灰般的白色?唔好啊!

相片來源:[email protected]

埃及盧克索神廟

埃及古跡中最引人注目的宮殿之城盧克索(Luxor),卡納克神廟(Karnak Temple )同埋盧克索神廟兩座古蹟,由於不斷被盜竊、建築物受損嚴重,難逃瀕危嘅厄運。

上漲的尼羅河水,正在威脅盧克索地區的神廟。由於該地區附近的農民習慣粗放式灌溉,導致尼羅河水的水位不斷上漲,再加上該區接近出海口,最近 10年來,建築鹽鹼化程度愈來愈嚴重,幾千年歷史嘅神廟群正被不斷侵蝕,最有可能係2040年完全損毀。世界文化遺產基金會最近制訂緊新嘅拯救計畫,試圖透過在兩座神廟周圍地區修建先進的排水管道系統和一個污水處理工廠,使神廟和河水隔離,從而保護這世界上最寶貴的古代遺跡。

埃及古跡中最引人注目的宮殿之城盧克索(Luxor)景觀

相片來源:[email protected]

秘魯馬丘比丘

大家有無睇過日本動畫《天空之城》?仲記唔記得漂浮係空中嘅城堡?位在南美洲秘魯的馬丘比丘(Machu Pichu),都係一座建築係高山之頂嘅印加文化遺址,被考古學家稱做「天空之城」、「失落之城」。然而,呢個地方嘅地質構造不穩定,加上觀光客的人為破壞、磨損石砌建築,遺址面臨地基移動、下陷的危機,隨時都有可能因為一個小地震,導致整座城崩解跌入懸崖。最壞嘅情況就係會係2038年整座崩壞。

馬丘比丘古城

相片來源:[email protected]

旅行時4小細節 揭示對方是否打算再進一步

image

好多人都話去旅行喺了解一個人嘅好機會,的確人在異地好多時會面對一啲平時未必會遇到嘅情況,面對呢啲情況所作出嘅反應更加反映到一個人真實嘅一面,各位女士如果你本身對於一個異性有好感,咁啱又有機會同埋成班朋友包括對方一齊去旅行嘅話,不妨從呢啲小細節留意一下對方,睇吓對方有無打算同你再進一步。

1.零主動

如果一個異性對你有興趣,自然主動爭取機會同你相處,好似會搵機會坐係你隔離,完咗行程嘅夜晚約你去飲杯嘢,但係如果你發覺對方完全冇主動爭取同你相處嘅意欲,咁可能對方都只係想flirt下你,並冇意欲發展落去。

2.咩都唔講

去旅行可以話係培養感情嘅好機會,如果男方想爭取機會發展,好多時都會主動同你講嘢或者分享一啲自己嘅睇法。但係如果對方唔嗲唔吊,又或者講嚟講去都係啲門面嘢,咁可能對方都唔係好有誠意發展。

3. 只顧自己

無論係做朋友定係情人,可唔可以為對方設想,都係一個好重要嘅因素, 所以如果你發覺同對方旅行嘅時候凡事只顧自己,完全冇考慮過你想做啲乜玩啲乜,無論佢把口講到有幾咁在意你,都唔好輕易盡信啦。

4.保持距離

曖昧係每一對情侶係一齊之前嘅必經階段,但如果你發覺對方係同你曖昧嘅同時,係其他人面前又會同你刻意保持距離,好似日頭就同你扮到唔熟,但夜晚返到房會同你whatsapp ,咁就要小心對方係純粹得個flirt ,或者分分鐘flirt 嘅對象唔只得你一個。

相片來源:theadventurouslife4us@tumblr