紫藤季節將至 全日本五個必到景點

世界上有咁多種唔同嘅花,大家又知唔知道佢哋代表嘅花語又係啲咩呢?白玫瑰代表着天真、純潔、黃色嘅鬱金香代表着高貴、尊重,咁你地又知唔知道,紫藤花嘅花語係啲咩呢?紫藤花代表着令人陶醉嘅戀情同源源不絕嘅思念;日本嘅紫藤花其實唔係剩係得紫色,仲有粉紅、白色等等。想去日本睇紫藤花?大家就唔可以錯過以下呢5個景點啦!

東京龜户天神社

位在關東地區,江東區龜戶的龜戶天神社,喺紫藤花盛放嘅時候,夜晚仲會有投影,利用燈光襯托出紫藤花嘅夢幻。如果你哋係自駕遊,可以夜晚先去神社,唔使同人迫呀嘛。

櫪木足利花卉公園

同樣都係位於關東地區櫪木縣嘅足利花卉公園,被美國CNN評為十大夢幻旅遊景點之一。公園入邊有150年樹齡嘅四色大藤,而且每逢到紫藤花盛開嘅季節,過萬串嘅紫藤花一齊綻放,形成花海。

大阪梶本家之藤

位於大阪泉南市嘅梶本家之藤入面4萬串嘅紫藤花,係昭和53年種落嘅野田藤,歷史悠久。梶本家之藤靠近和歌山,想去和歌山浸溫泉嘅朋友,不妨考慮下,去埋梶本家之藤啦。

福岡柳川中山大藤祭

柳川中山大藤祭,喺九州福岡縣最出名欣賞紫藤花嘅景點,過萬棵嘅紫藤花形成一條紫色嘅瀑布。神社入面,流水淙淙,而且有一棵超過300年樹齡嘅中山大䕨樹, 搭配埋紫藤花簡直係令人心曠神怡!

札幌前田森林公園

北海道紫藤花嘅花期大約係五月下旬先至開始。札幌前田森林公園入面有全長320米嘅大藤花步道,想去欣賞紫藤花嘅你哋,可以一家大細喺紫藤花樹下野餐。

照片來源

01 龜戶天神社 官網

02 足利花卉公園 官網

03 泉南市観光協会 官網

04 福岡柳川中山大藤祭 柳川市官網

05 札幌前田森林公園 官網

奧地利最美小鎮採取遊客管制!各國管制人流各有招數

奧地利嘅哈爾施塔特湖畔(Hallstatt),有「全球最靚小鎮」嘅美譽,即將喺2020年開始實施遊客總量管制,規定每年入鎮嘅巴士唔可以多過1萬3千架,而且旅客唔可以停留少過兩個半鐘。以為世上淨係得奧地利一個地方實施遊客管制?少年,你太年輕嘞。其實世界各地都實施唔同措施來管制人流,用來保育當地環境。

台灣三島

去台北去到悶悶地,唔少人都會選擇去下台灣嘅島嶼,好似蘭嶼、綠島同小琉球咁。但台灣觀光局為咗維護當地生態環境同旅遊品質;計劃喺封閉式景點,進行遊客總量管制。就好似龜山島同野柳地質公園咁,依家都已經採用網上預約制度。雖然,計劃未正式獲通過,但係萬一真係落實執行遊客管制,相信會對遊客帶嚟麻煩。所以,未去過台灣三島嘅朋友仔,好快啲去啦!

菲律賓長灘島

菲律賓政府早前宣佈,被稱為「最佳渡假島嶼」嘅長灘島,為咗對付龐大嘅遊客數量以及減少對生態環境嘅影響,會實行遊客管制同環境保護措施。唔單止規定長灘島每日最多只可以容納1.9萬個遊客,更加嚴禁島上商店使用一次性塑膠產品。

不丹

相信大家一定對不丹好感興趣,希望睇下呢個地方有咩秘訣,可以成為全球最快樂嘅國家。想黎個「說走就走」既不丹之旅,就要「停一停,諗一諗」啦!事關港人想去不丹,係要經當地旅行社代辦簽證架!除此之外,不丹政府仲規定,所有旅客都唔可以自由行,要由導遊帶領,而且所有行程必須要預先獲不丹政府審核。雖然不丹對每日入境人數就不設限,但實施《政府最低旅遊徵費》,間接管制旅客量。

相片來源:

01: www.austria.info

02-03: 台東旅遊觀光網

04: 交通部觀光局

05: FB @boracay.philippines

06: https://www.bhutan.travel

旅遊唔鍾意去人多之地?5個星座偏愛冷門目的地

每個人的旅遊方式都有不同,有啲人鐘意去啲「大路」嘅旅遊景點,有啲鍾意捐窿捐罅。事實上,不同星座擁有不同性格,理想的旅行目的地都有所不同。好似雙魚座、金牛座、巨蟹座、處女座、天蠍座呢5個星座特別鍾意捐窿捐罅,佢地唔鍾意人多的地方。如果你或你旅伴屬於呢5個星座的話,不妨參考以下旅行目的地吧!

雙魚座:馬丘比丘-秘魯
極具愁善感,鍾意幻想嘅雙魚座,好容易受到外在環境影響自己嘅情緒,所以就最適合去一啲心曠神怡嘅地方;一來可以洗滌心靈,二來可以遠離繁囂。位於海拔2,430米之上嘅馬丘比丘就最適合不過嘞,去到山上,簡直好似喺到吸收天地靈氣咁,遠離塵囂。

金牛座:濟州島-韓國
鍾意親親大自然嘅金牛座,絕對唔可以錯過濟州島。濟州島話大唔大,話細唔細,但係足夠令鍾意大自然嘅金牛座樂而忘返,由睇櫻花、油菜花田,上山下海,全部有關大自然嘅活動都可以喺濟州島揾到。

巨蟹座:皇后鎮-新西蘭
巨蟹座充滿着愛同溫柔,對他們來講,旅遊嘅地點從來都唔係重點,只要同「對的人」去,你就已經覺得好開心。新西蘭皇后鎮係電影「魔戒」嘅取景地,亦都係「笨豬跳」嘅發源地,快啲把握機會,同「對的人」製造一啲屬於大家嘅美好回憶啦!

處女座 :日本
天生怕污糟嘅處女座,日本對你哋嚟講,絕對係一個不二之選。日本地方出名乾淨,雖然係街上唔容易搵到一個垃圾桶,但神奇嘅就係,冇乜人會隨地拋垃圾。而且日本人嘅衛生情況亦都好好,餐廳入邊嘅餐具從來都唔會「黐立立」。鍾意乾淨嘅處女座,快啲去返轉日本啦!

天蠍座:埃及
天蠍座一直都比人哋一種好神秘嘅印象,而且唔擅長將感情流露於表面,有一種好特別神秘嘅氣質。埃及幾千年嘅歷史文化,就啱啱好配合天蠍座神秘嘅氣質,可以深入金字塔,研究木乃伊。

相片來源:Claralalanne @tumblr

萬一遇上日本JR延誤  4個情況你曾遇過嗎?

日本民族一向以準時見稱,就算提早20秒開出列車都會正式向大眾道歉。但近日JR西日本嵯峨卻發生延誤。原因係有一隻柴犬誤闖軌道,最後月台職員慢慢引導柴犬離開,鐵路服務恢復正常。身為旅客,如果到日本旅遊遇上JR延誤又可以點做,以下個情況你試過未呢?!

1. 已買特級車票準備乘坐

旅客可以直接到JR窗口退票,或者選擇轉乘其他列車,此舉並不需要收取額外手續費。如果本來乘坐指定席,但換取列車並無提供,可以免費升級豪華席,或者退回部分費用。

2. 特別列車延誤兩小時以上

同樣旅客可以到JR窗口退票,但旅客謹記要向職員取得延誤證明,並在兩天內完成退票手續。

3. 行駛列車停運

旅客可以到窗口要求免費改乘下一班列車,如果想取消整個行程,JR一樣受理,更會免費將你送回出發地。

4.特急列車延誤導致有機會無法轉乘第二程

盡快向車站職員求助,讓他們協助你安排盡快到達轉乘地點。如果確認列車已經開出,可以到窗口退票或換票轉乘下一班列車。而持有JR Pass的旅客,同樣簡單到窗口換票即可。

無論遇上怎樣的延誤,如果不懂得處理,謹記首先向職員索取延誤證明,即使之後要換票退票都有證明在手。

相片來源:tokyostreetphoto @ tumblr

空服唔易做 航空公司的3個踩界要求

image

以為空中服務員好易做?咁你就錯嘞。事緣係因為近日印度同巴基斯坦發生衝突,令印度嘅愛國主義情緒高昂。印度航空嘅機組人員近日收到新指引,要喺飛行廣播嘅結尾「充滿感情」咁高呼「印度萬歲」,令不少空中服務員非常無奈。實際上,好多航空公司喺請人嘅時候,都要求多多,既要識三文兩語,有啲更加對空姐嘅身高同身材有要求添,好似以下呢3個航空公司對空中服務員嘅要求,大家又點睇?!

image

通過體重測試先準飛

因為近排官方收到投訴表示「啲空姐太肥」,所以近日就為空姐嘅標準體重定立新標準,要求旗下1800個空姐要係六個月內達到「標準體重」- 例如170 cm高嘅空姐,體重唔可以超過66公斤。而且航空服務總經理巴希爾仲話,所有機組人員每個月都要進行體重測試,先可以獲得飛行資格。

image
image

制服短過膝頭兼露鎖骨

一聽到北韓,係唔係以為所有女性都會着得好保守同老土呢?早排高麗航空「一洗娘味」,除咗將空姐條裙由及膝,改到短過膝頭;仲將鮮紅色嘅制服改為深藍色;又將領口改低咗,令空姐露出鎖骨。有唔少嘅網友都講笑,話即刻想飛轉北韓。

image
image

起飛前須跳舞

越竹航空係越南新成立嘅一間航空公司,佢哋嘅空姐喺飛機上跳舞嘅影片紅爆網絡。越竹航空係航班起飛前,除咗示範緊急逃生路線之外,仲加插咗空姐跳舞嘅環節。有網民仲話,空姐嘅顏值,直頭可以媲美環球小姐。

相片來源:

01: Pakistan Int Airlines FB

02-03: Koryogroup.com

04: Bamboo Airways FB

05: Youtube Capture

澳洲鹽湖變成鮮粉紅色 少女心大爆發!嚴選全球3個粉紅色景點

一講起澳洲,除咗為人熟悉嘅袋鼠之外,粉紅色嘅鹽湖其實都好出名。位於澳洲墨爾本市,韋斯特蓋特公園裡面嘅鹽湖,湖水喺上月底由土褐色變為浪漫嘅粉紅色。專家指氣溫異常溫暖,令湖嘅鹽分增高,導致湖水變色。所以提提大家,千祈唔好接觸湖水,以免皮膚受到鹽分刺激!世界上有不少景點都以粉紅色為招徠,除咗呢個鹽湖,大家又去過以下呢幾個未呢?

耶穌聖心堂- 越南胡志明市

趁住白色情人節,不如拉住另一半去個平平哋嘅浪漫之旅啦!相信呢一個位於越南胡志明市嘅粉紅教堂,可以比少女心爆發嘅你地影張靚相。耶穌聖心堂(Tan Dinh Church) 係20世紀初興建嘅天主教教堂,已經有百幾年嘅歷史,古典嘅外部建築,再加上少女味爆棚嘅粉紅色,簡直係必去嘅打卡熱點。

聖托里尼島-希臘

一講起希臘,大家一定係諗到藍天白雲嘅人間美景,但實際上仲有一個非常引人入勝嘅旅館Pink Cave House。因為旅館係坐落喺島嘅最北面,所以如果你入住係Pink Cave House,就可以欣賞最靚嘅日落同一望無際嘅愛琴灣。粉紅色嘅外牆同藍天白雲呈一個好大嘅對比,喺社交平台打卡,一定呃到好多like!

阿利坎特- 西班牙

覺得希臘唔夠特別,不如考慮一下去La Muralla Roja,佢係位於西班牙阿利坎特的Calpe城鎮內,外型似足一座城堡,唔單止外牆係以粉紅色為主,連入邊每一個區域都係以唔同色調嘅紅色同藍色作對比。鍾意打卡呃like嘅你,一定唔可以錯過呢個地方!

.

相片來源:

01 Twitter

02 FB (santorini paradise- cave house)

03-06 : Official website of the architect

opening:Parks Victoria @Facebook

上一秒浪漫 下一秒出事 熱氣球意外頻生 安全問題成疑

試想象,你飛到高空離地千米,但熱氣球著火焚燒,你該如何自救?相信乘搭熱氣球係不少人心中此生必做的一個體驗,但近年世界各地都發生不同熱氣球事故,上一分鐘迷人壯觀的景色,下一分鐘就要毀滅。以下事故都讓旅客重新審視,究竟熱氣球的安全措施足夠嗎?

1. 澳洲

上月澳洲墨爾本2個由北部起飛,原定降落穆拉賓機場熱氣球一同墜落,幸好事件並未有造成任何傷亡。當地媒體報導,兩個熱氣球共載有17名遊客,飛行時因為風速緊急降落,其中一個降落至當地民房,而另一個在車路交叉路口墜落。目擊者表示事件非常恐怖,在熱氣球墜落時聽到撞向樹木巨響。

2. 美國

美國德州2016年就發生一宗熱氣球意外。當時駕駛員是熱氣球公司首席駕駛員,擁有豐富飛行經驗。熱氣球升空26分鐘便發生意外,一名目擊者聽到空中傳出聲響,抬頭便發現熱氣球墜落。

3. 韓國

韓國一大旅遊熱點濟州島18年4月發生熱氣球墜毀事件,結果造成一人死亡12人受傷。事發後熱氣球駕駛員心臟驟停期後送院不治。據報導,當局相信熱氣球在著陸過程撞到鄰近樹木造成今次意外。

4. 土耳其

土耳其可謂乘搭熱氣球聖地,但著名卡帕多西亞奇石林區17年一個月內就發生兩次意外。第一次三個載有乘客的熱氣球降落墜毀,至少49人死亡,當中包括歐洲及中國旅客。 第二次載有旅客的熱氣球下降時,撞向高壓電纜,事件造成一死20人傷。

相片來源:worldwaits @ tumblr

泰少女派毛巾強收錢  細數五種騙旅客的手法

泰國不但風景宜人,加上物價低廉,以及一系列傳統特色美食,成為香港人旅遊勝地。不過遊客多就會產生騙子問題。有泰國導遊指出,到湄公河見到美女遞毛巾,記得千其唔好接,一旦你接住,美女就會要求你畀錢,如果你唔畀更會死纏爛打。騙子為咗呃你錢,可謂使出渾身解數,好似以下呢5個你又遇過未?

1. 冒充酒店職員

每到深夜時分,騙子會打電話上房間報稱酒店電腦系統癱瘓,需要重新核對遊客信用卡資料。騙子睇中旅客對酒店職員戒心低,不費吹灰之力就獲得信用卡安全碼,一次過碌爆你張卡。

2. 賣假珠寶

旅客進入珠寶店後,經理聲稱當日為最後一日減價,平日更不會售賣予客人,店內更有珠寶認證商標。但旅客回國鑑定後便會發現珠寶只是平價玻璃。此騙案通常發生於東南亞國家。

3. 機場安檢導盜竊

接近安檢時,騙子會突然在你面前裝作忘記將口袋物件拿出,趁你不留神,另一位同伴就在傳輸帶上偷走你的手提行李,肯尼亞及美國警方都曾接報此類案件。

4. 慢慢數錢

在歐洲地區,當你到紀念品店、咖啡廳、或者餐廳,店員故意在你面前慢慢數錢,當你感到不耐煩,無點算清楚便離開,很快你會發現,店員沒有給你所有找續。

5. 警察行騙

在墨西哥北部,就有警察攔住前往美國邊境的旅客,問話及搜查後發現旅客藏有一把小刀,則要求旅客繳交30美元罰款,否則不能離去。遇上這些事件,遊客大多無能為力,唯有屈服。

相片來源:Pixabay

鎌倉市強調「邊走邊吃」乃擾人行為 細數日本人對旅客3大不滿

幾時都話旅行要入鄉隨俗,每個國家都有自己獨有的文化。成日被港人視為「返鄉下」的日本,即使大家視之為自己「鄉下」,但大家又有無留意或遵守當地規則呢?最近鎌倉市政府有意訂定條例,雖然無意禁止邊走邊吃,但希望遊客能留意飲食禮貌。

日本「朝日新聞」報導,當地有一條知名商店街「小町通」,兩旁有大量小賣店,販賣雪糕或煎餅等小食,當地旅客鐘意在購買食物後,邊走邊吃前往鶴岡八幡宮或四處遊逛。正當大家以為這是「感受歡樂氣氛」的方法,但由於當地垃圾筒不多,吃完後旅客都會隨手亂掉包裝紙,亦會有旅客用被食物沾污的手觸碰商品,令商家相當不滿。事實上,除了邊走邊吃,日本人也相當不滿旅客們做出以下幾個行為,大家「返鄉下」個陣記得留意。

車廂內亂放行李

日本所有列車車廂都在座位上附設「行李架」,原意是讓大家放上背包及行李,但不少旅行都「懶得」利用行李架,將行李放在列車門前或道路中間,總之佔用大量空間影響他人。

爽約/遲到

相信不少人都聽過呢項「罪行」。不少旅客事前訂了餐廳,卻因為行程有變而「放飛機」或遲大到,又不通知餐廳,白白浪費食材。

車廂內超大聲講話

不少人都知道日本車廂內禁止講電話,但又忘記將說話的音量收細,聊天個陣大聲到成個車廂都知道你地今日的行程或買咗咩戰利品,雖然日本人聽唔明,但聲量也是非常擾人的行為。

相片來源:chiisai-fukurou @tumblr

10天連假黃金週 平成最後的3個關西活動

日本現任天皇明仁即將於4月底退位,皇太子德仁於5月1日即位,而日本政府宣布新天皇即位當日為國定假日,因此今年日本黃金週足有10天連假。雖然屆時日本國內旅遊一定爆曬棚,住宿變貴,人潮變多,但同時當地亦會舉行不少特別的活動。今次為大家介紹關西3個平成最後的活動,鐘意熱鬧的旅客別錯過了。

市集控注意!大阪大型市集

Lohas festa萬博4月29日至5月1日,過百個攤位有女生大愛的手作飾物、潮媽必買的小朋友衫、男人最愛的日本啤酒,重有好多生活日用品,包你買到手軟!當然大家亦可買點小食,坐在草地欣賞各類表演,親子遊一流。

相片來源:LOHAS FESTA @facebook

LOHAS FESTA

舉辦日期:2019年4月29日至5月1日

網址:http://event.lohasfesta.jp/springosaka/top/

呃Like必到!1000條鯉魚旗飄揚

每年5月5日男兒節前後,高槻市的芥川桜堤公園均會舉辦「鯉魚旗節」,於河畔兩側高掛1000 條由市內兒童手製或市民捐贈的鯉魚旗,以祈求小朋友可以健康成長。今年鯉魚旗節於4月22日-5月5日舉行,當中4 月 29 日當日更會有樂隊表演活動,是鯉魚旗節的高潮。

相片來源:こいのぼりフェスタ1000 @facebook

鯉魚旗節1000

舉辦日期:鯉魚旗揚旗 2019年4月22日-5月5日、鯉魚旗節 2019年4月29日

網址:https://koinoborifesta1000.jimdo.com/

一齊過嘗盡本地美酒美食

愛飲飲食食的旅客可以參加4月29日舉行的美酒佳餚活動「愛酒でいと2019」,當日會有20間日本清酒廠及20間日本有名餐廳出展,重有Live Band表演,是個集美食、美酒及音樂的活動。舉辦地點Zepp Namba Osaka也頗方便,從南海難波步行才10分鐘。

相片來源:愛酒でいと @facebook

「愛酒でいと2019」

舉辦日期:2019年4月29日

網址:http://aishudate.com/