我為貓狂!貓奴先明嘅7個幸福瞬間

為咗主子,貓奴們可以去到幾盡?日本Google近日為新產品Google Home Mini推出一個窩心廣告,由7段養貓之人嘅短片組成,每段都令貓奴們會心微笑,養緊貓貓嘅你,有冇同廣告入面嘅人一樣?

1.瞓你大脾

貓貓居然坐喺奴才大脾瞓覺,奇蹟呀,奴才都唔知等咗幾耐!呢個幸福moment要好好享受,透過語音指令熄燈,同主子一齊放鬆休息吓!

2.愛玩廁紙

奴才眼定定望住廁所方向,原來貓貓喺度玩緊拉廁紙,動作好敏捷超叻呀!貓奴仲望,仲唔購多啲廁紙畀主人玩?用語音就可以落單好方便!

3.吸貓

奴才情深款款望住瞓緊覺豬嘅肥貓,毛茸茸超可愛呀,忍唔住成個頭挨落去吸貓!真係好想射波成日留喺屋企呀,不過都係問問語音助理,今日有咩行程先再決定啦!

4.最愛紙皮箱

天氣咁凍,專登買咗張貓床畀主子瞓得暖啲,點知佢都係揀紙皮箱!冇計啦,唯有用語音幫主子開電熱毯!

5.最愛電腦

當你想用電腦工作時,主子就會坐喺鍵盤上唔畀你開工,你唯有用語音開電視睇,呢個時候主子又會擋喺電視前面,令貓奴哭笑不得。

6.曬日光浴

主子望出窗,原來今日落雨,冇沒有主子就會悶悶不樂。不過,希望在明天,問問語音助手聽日天氣如何,真係好天呀,主子又可以曬太陽了!

7.搗蛋作亂

貓貓甩毛搞到全屋都係毛、打翻貓砂、抓到梳化爛哂…呢啲唔通又係主子嘅錯咩,咪傻啦,你個奴才仲唔用智能語音助理開吸塵機打掃?

圖片來源:Google影片截圖

Leave a Reply

Your email address will not be published. Required fields are marked *