女生外表愈靚 竟然代表佢房間愈亂!

中國人年廿八洗邋遢,日本人亦會趁元旦連假期間大掃除,有網友喺討論區分享打掃心得,但亦有唔少網友「鬥亂」,大曬自己凌亂房間嘅相!

其中一位網友寫住「女生來曬電腦附近…好想清理但我有憂鬱一直做唔到…」然後po出一張間房亂過亂葬崗嘅相,惹來大量辱罵與嘲笑:「感覺好臭」、「見到曱甴屎」、「點睇都係大叔間房」、「冇化妝品,一定係對打扮冇興趣嘅醜女」…

似乎男網友都認為女生房間應該好乾淨,散發陣陣香氣?少年你太年輕了,好多女仔表面睇好乾淨,但係間房可以亂到難以想像!不過間房亂又如何,我哋有嘅優點,你哋有冇先?

1.識得善用空間

礙於間房太亂,要擺放物件就要用「特別技巧」,就係「見窿就塞」,你估易架?

2.記憶力驚人

見窿就塞唔代表hea放,睇落亂七八糟,其實係「亂中有序」,好快就喺間房搵到想要嘅物件。

3.非常念舊

房亂嘅人有一種對舊物嘅情意結,總有藉口留低物件,斷捨離呢家嘢完全唔啱feel!

4.對外型有要求

女生大部分時間用嚟打扮,邊有時間處理成張床同埋地下嘅衫?所以房亂嘅女生大部分都係識打扮之人!

5.有個「勞氣」媽媽

呢個都算優點?當然!有個日哦夜哦嘅媽咪喺身邊,係最大嘅福氣!

圖片來源:www.pakutaso.com,2ch

Leave a Reply

Your email address will not be published. Required fields are marked *