短髮女生必讀 3種衣著風格必須學

「嘩!佢個樣成個男人咁…」唔少女生因為某啲五官生得較為男性化,不時被人嘲笑男人婆!好地地一個女人被人話似男人,個心當然會唔開心啦,生活上仲會遇到好多困擾!

日本電視綜藝節目「跟拍到你家」(家、ついて行ってイイですか?)呢個星期訪問一位名叫かりん(Karin)嘅21歲女生,佢喺鏡頭前大呻由細到大經常被錯認係男仔,去浸溫泉時差啲被人當係變態佬,又或者攔住同佢講「男湯唔係呢邊」等,連打工時啲客都以為佢係男人,仲話佢唔似日本仔,似台灣仔,都唔知好嬲定好笑!

可能因為短髮問題啦,其實驟眼睇かりん笑得幾sweet,又唔覺佢長相似男人,起碼冇「蔡思達」咁似!其實近年流行嘅打扮越來越冇男女之分,中性style都好受女生歡迎,更能突顯個性,如果你都想嘗試中性打扮,以下3個冬日穿搭技巧快學:

1.oversize外套

男裝軍褸、棒球褸同埋風褸都舒服又保暖,呢啲oversize剪裁外套著喺女生纖細身軀唔會奇怪,反而顯得帥氣又可愛,好似偷著男友或哥哥衣服一樣。

2.內搭休閒衛衣

街頭風衛衣係男女都可以著嘅單品,好好襯,寒冬必備。要注意整體顏色,earth tone、軍綠、深藍、灰色都係唔會出錯嘅色系。女生著上呢啲「男孩」色系一樣可以著出甜美感覺,無違和感。

3.簡約outdoor寬褲

寬褲可以係棉質布褲、運動褲、牛仔褲,總之著出來係慵懶簡單感覺。女生著上有側袋嘅寬褲,會有意想不到嘅休閒戶外感,超型!

圖片來源:テレビ東京

Leave a Reply

Your email address will not be published. Required fields are marked *