【廢青生活】「哪有錢…」日本嘅廢青特質同香港差幾遠?

image

哪有錢…係好多時下年青人嘅口頭禪,早前就有日本網友分享「成日呻無錢嘅人嘅特徵」,包括有食煙飲酒習慣、成日去便利店、未決定買咩就去超市、用貴價化妝品、成日食外賣、經常出門同朋友飲番杯、就算超近都要call的、定期買新衫同埋間房亂到喊,你又有冇中槍?

如果中哂以上9點,其實又抵你「長期糧尾」,又有咩好呻?喺香港,無前(錢)途嘅青年仲會被人叫「廢青」,你係咪具備廢青特質?

1.機不離手 

普遍廢青都手機不離手,平均每廿秒睇一次手機,有WhatsApp必定秒回,無WhatsApp會心煩氣燥、焦慮不安。

2.經常hea父母

對住其他人就膽小如鼠,父母面前總係聲大大,「出街要帶外套」、「今晚唔好太夜返」、「枱面放咗碗湯」,廢青總係霸氣講句「得啦!」,不過其實廢青個心知道父母錫自己,只係唔識好好回應。

3.唔願出街

買衫?淘寶啦!想買文具?淘寶啦!想買usb充電線?淘寶啦!有祖國呢樣偉大發明,駛乜出街?

4.成日呻眼瞓

廢青有一種精神,就係「無精神」,千年黑眼圈冇得救。點解咁眼瞓?晚晚要覆WhatsApp,又要煲劇,又要上討論區,好鬼忙。

5.淨係想去旅行

廢青又唔同宅男,佢哋嘅原動力就係去旅行,唯一令佢哋的起心肝爬起身,就係搶平機票。

圖片來源:https://www.pakutaso.com

Leave a Reply

Your email address will not be published. Required fields are marked *