鄭子誠行街冇收穫 遇女fans影相集郵

 「靚聲男神」果然受歡迎!

鄭子誠與女fans在商場內合照。

 「靚聲男神」鄭子誠是TVB劇集的「御用奸人」,不過他早前在《跳躍生命線》飾演正氣十足的教官刑Sir卻非常入屋,最近在《兄弟》又有份做楊明上司,成日出鏡,唔怪得日前他在中環某商場行街時,半路被女fans攔截要「集郵」,他當然來者不拒,原來「綠葉王」都好受歡迎㗎!

鄭子誠多數演反派,但有時在劇中都艷福不淺。

由DJ出道的鄭子誠,因聲線雄厚,經常為電視廣告及節目作旁白。自成為TVB藝人後,因演活反派角色而有「完美奸人」及「陰謀誠」稱號。早前熱播的TVB台慶劇《跳躍生命線》,他一反傳統飾演嚴肅又正氣的教官刑Sir,有時更會在劇集尾聲以低沉而磁性的聲線,讀出發人深省的旁白,令觀眾有驚喜。

早前熱播的TVB台慶劇《跳躍生命線》,鄭子誠飾演嚴肅又正氣的教官刑Sir。

鄭子誠在《兄弟》飾演楊明的上司。

日前他在傍晚時份獨自到中環某商場行街主攻男裝。他先到大型的連鎖店兜了個圈,看完新裝後,似乎唔多啱心水便走人。之後他window shopping時,有女fans發現他蹤影,即上前要求合照,鄭子誠即笑笑口點頭話OK。影咗幾張後,女粉絲開心道謝,而他就繼續去名店睇運動外套和波鞋,只見「完美奸人」幾like波鞋,經常攞上手研究,可惜最後都係冇試,然後離開。

鄭子誠到大型的連鎖店看新裝。

鄭子誠當日不斷window shopping。

鄭子誠得閒會約鄭嘉穎(右一)、黃智賢(左一)、郭晉安(左二)打波。

Leave a Reply

Your email address will not be published. Required fields are marked *