網民FB貼舊相尋30年前幼稚園閨蜜 舊生紛紛相認好窩心

好有愛啊!

網民So Cindy近日在Facebook上載一張1989年跟幼稚園好朋友站在聖誕樹裝飾前的合照,希望尋找相中姓徐的女同學。Cindy原本不抱厚望,結果發文短短10小時已成功尋人相認,Cindy表示「開心到瞓唔着」,又指早知道fb可以這麼快尋到人,「十年前就已經開post」。

網民成功找到30年前綠葉幼稚園同學。(網上圖片)

So Cindy‎日前在FB群組「Tai Po大埔」發文,指希望尋找當年綠葉幼稚園的同學「徐X雯」,稱「每逢睇返啲相, 全部都係拖住你隻手,其實個心一直想搵你好多年,依家30幾歲我想知道你近況」。

她透露,讀小學時已經搬出九龍,有一年的新年與家人在酒樓飲茶,撞到女同學一家人, 然後其父親向女同學的家人提及她讀書太差留級的事,她覺得尷尬於是走開了,「見到佢一直喺屋企人講話我點解唔睬佢,我都覺得唔好意思,亦都冇辦法再攞到聯絡電話」。

網上圖片

Cindy坦言:「就算此生不能再見, 知道近況 ,知道她過得很好就已經足夠。」她又指「呢個係我呢廿幾年嚟嘅遺憾。我講完一個大話,就了結咗我哋咁多年嘅緣分。你認唔認得我都好。希望你知道,我掛住你已經二十幾年……」意外地徐同學現身留言道:「I am here. 你係蘇XX嗎?好感動呀!PM you(私訊給你)。」

網民紛紛留言恭喜,大讚「好感人」之餘,帖文也成為大埔綠葉幼稚圍舊生「打卡」聚舊熱點,上報自己畢業年份希望找到當年同窗,一呼百應。有人回憶童年點滴,留言「好懷念個波波池」、 「我有一張相係媽咪幫我影,喺個波波池裡面喊住影,因為有個男仔一腳伸到我塊面」、「有沒有人記得果間兩層玩具屋」、「我最鐘意嗰間閣樓屋」等。

帖文變成幼稚園同學相認區。(網上圖片)

Leave a Reply

Your email address will not be published. Required fields are marked *