大陸的士搭出人命!外遊坐的士四大自保方法你要知

最近河南發生命案,有個美女空姐坐網上預約的士時,慘遭姦殺,搞到當地人人自危。你以為係罕見事件?傻啦!就係呢兩日之嘛,四川熱傳一段影片,又係一個美女搭的士返工期間,被身旁嘅司機拉低左件一字膊上衣胸襲非禮。警方事後證實左事件,點知就發現個司機原來受僱於另一間公司,而該公司已對司機採取停工處理,同時向受害人致歉。該名咸濕司機已被吊銷的士牌,並被納入當地的士從業「黑名單」。

地球真係好危險,不過人先係最危險。大家出外去旅行搭的士都要小心注意個人安全,以下就過幾招比大家啦!

1. 上車要記得車牌號碼

唔好以為車牌號碼呢d野淨係男朋友先要記,作為女仔,保護自己嘅意識一定要有!記低車牌號碼,有咩事上黎起碼都有得追究啊。

2. 坐信譽良好嘅的士

好似內地咁,唔同公司的士睇車身顏色就可以區分。有d比較多外省司機駕駛,有d就專門係由本地人駕駛。上網了解下邊間公司信譽良好,到時盡量選擇返該公司嘅車搭。

3. 上車唔好掛住玩電話,要睇路

好多人覺得上左的士就可以直接去到目的地無野煩,就掛住玩電話,睇下一陣食乜好、去邊到買野。其實分分鐘比人兜路,甚至車你去左邊度都唔知。大家坐車記得望下途徑嘅路,睇下導航係咪行緊岩嘅方向。

4. 多向司機提問,留意執照姓名

上車後不妨留意司機執照上寫的姓名,問下司機需要幾耐先去到目的地,然後睇下同旅遊書,或者Google上面所講嘅係咪一致,一旦發現唔對路就好出聲啦。

相片來源:peaceandjustin @Tumblr

Leave a Reply

Your email address will not be published. Required fields are marked *