男士也會撒嬌 旅行時的3個撒嬌行為 你看懂嗎?

對各位港男來講,港女唔識撒嬌,可能真係少咗啲兩性相處上嘅樂趣,不過撒嬌並非女人專利,有時男人都會不自不覺撒嬌,尤其係去旅行,由於身邊冇其他相熟嘅人,更加容易出現呢種情況。表面上睇,你唔會將佢嘅行為同撒嬌連繫,但其實對方暗地裏正係想向你撒嬌,對於各位港女來講,除咗自己唔識撒嬌,又識唔識睇另一半嘅撒嬌行為呢?想知對方係咪撒緊嬌,不妨留意下以下呢幾點。

1.咩都靠你

如果你發覺對方明明之前對於自己嘅事可以處理得好有條理,但旅行時就變到小小事都依賴你,好似旅行時行街買件衫都會叫你揀,去主題公園玩咩機動遊戲又要等你揸主意,其實呢啲都係佢好享受有你照顧嘅表現,所以暗地裏向你撒嬌。

2.唱反調

如果你發覺對方旅行時係唔係都要唱下反調先開心,好似明知你細膽又係都要你同佢玩啲刺激嘅活動,明知你鍾意佢著得斯文就著到好hea,總之就咩都唱反調,好似係都要激下你先開心,其實係佢地嘅角度,呢個先係情趣來,因為學道明寺話齋,「只有我才可以欺負你」。

3.一嗌交就無聲岀

如果平時對方口多多,但一去到旅行時嗌交就唔岀聲,你講十句都唔答一句,又唔識得主動和好,唔好以為佢係無心想氹翻你,更多時只係因為佢唔知你嬲完未,驚會火上加油,所以唯有靜靜地等候你發落。

相片來源:labella-instagram @tumblr

Leave a Reply

Your email address will not be published. Required fields are marked *